- 77 -

1302, November 8. o. O.

Graf Budiko von Michelau erkennt den Klosterbrüdern die Wein- und Hopfenzehnten zu Michelau zu.

In nomine domini amen. Quoniam post exactionem anime a corporis squalido carcere in dictricti iudicis examine iuxta qualitatem meritorum suorum omnibus Christi fidelibus digna merces est recompensanda, hinc est, quod nos comes Budiko de Mychalov unacum coniuge nostra Margareta saluti nostre tamquam singulari anime refrigerio intendentes, ad noticiam universorum, ad quoscunque presens scriptum pervenerit, cupimus devenire, quod nos decimas vinetorum ac humuletorum nostrorum in Mychalov iam aliquociens, licet indebite, fratribus de Kamencz denegatas, cum tamen de iure, prout verius a nostris subditis ac senioribus predicte ville in Mychalov scisscitari poteramus, ad predictos fratres de Kamencz ex antiquo dicantur pertinere, de libero voluntate easdem decimas una cum heredibus ac successoribus nostris iam sepedictis fratribus de Kamencz conferimus perpetue possidendas. In hoc eciam prehabitum a nostris antecessoribus ratificando et confirmando. Unde ne super huiusmodi libera donacione ac rei prehabite confirmacione alicui in posterum scrupulus dubietatis aut erroris oriatur, verum eciam, ut a nobis et a nostris successoribus inviolabiter et perhenniter observetur, presentem paginam nostri sigilli karacteribus iussimus roborari ad maiorem evidenciam predictorum. Acta sunt hec presentibus: domino Bogosio de Pogrella, domino Bogosio canonico Wrat., domino Geraszlao de Mychalov et domino Mychahele plebano loci eiusdem VI°. Ydus Novembris anno domini M°. CCC°. secundo.

Or. Perg. An einem Pergamentstreifen das wohlerhaltene S. des Ausstellers.
Pfotenhauer, Siegel S. 33 (B. VII. 73).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.